Во рамки на традиционалниот настан „Да подариме насмевки“, што го организира Црвениот крст на град Скопје вчера Јунаци од бајки, цртани филмови и Дедо Мраз ги израдуваа дечињата на Детската клиника.

Во изјава за медумите, директорката на Клиниката Стојка Нацева-Фуштиќ рече дека Црвениот крст не ги заборава децата, особено оние во болница, посочувајќи дека овој настан предизвикува насмевки кај нив.

Арѓенд Чиљафи, координатор на Тимот за одговор при катастрофи при Црвниот крст на град Скопје, посочи дека шести пат го организираат овој настан со учество на Тимот за спасување на планина при Црвениот крст на Скопје, поддржани од „Анимација Бамбино”.

-Настанот е од волонтерски карактер, рече Чиљафи, изразувајќи надеж дека ќе им се приклучат и други организации, со цел на што повеќе дечиња, да им се подарат насмевки.

Дечињата од Детската клиника во Скопје добија и новогодишни подароци од Дедо Мраз