Ник Хоган, син на легендата за борење Халк Хоган, објави емотивна порака откако го загуби својот татко за време на викендот. Хулк почина минатата недела на 71-годишна возраст, a неговиот син ја започна својата објава заблагодарувајќи им се на сите „кои му се обратија и го утешиja во последните неколку дена“, пренесува „Си-ен-ен“.

„Навистина многу значи“, напиша Ник Хоган во описот на серија фотографии на кои е со својот татко низ годините.

„Им се извинувам на сите на кои сè уште не сум одговорил. Ова беше премногу и исклучително тешко. Слушањето толку многу љубезни зборови и приказни за животот на мојот татко, интеракциите и искуствата со сите беше неверојатно и утешно. Мојот татко беше најневеројатната личност што некогаш сум ја познавал и секогаш ќе биде мој херој. Тој беше најљубезниот, најдобриот и најневеројатниот татко што некој може да го посака. Се чувствувам толку благословен што го имав најдобриот татко на светот. Тој не беше само најдобриот татко, туку и мојот ментор и мојот најдобар пријател“, напиша синот на Хулк.

 

View this post on Instagram

 

A post shared by Nick Hogan (@nickhogan)

Ник имал за цел да помине повеќе време со својот татко откако се вратил во Флорида пред неколку години и да биде поблиску до него. Тој се погрижил да му се заблагодари на Халк и да му каже колку го сака.

„Би направил сè за да го имам назад, но сега знам дека тој секогаш ќе ме чува. Секогаш ќе ги паметам лекциите и советите што ми ги даде и ќе продолжам на начин на кој знам дека ќе го направи горд“, истакна Ник.

Ник и неговата сестра Брук се појавија со својот татко и мајка, Линда, во ријалити серијата „Хоган знае најдобро“, која се емитуваше четири сезони од 2005 до 2007 година.

Неговите родители, се венчаа во 1983 година, а се разведоа во 2009 година.