Aнтонио Рудигер се жртвуваше во вчерашниот натпревар и со крв го плати израмнувачкиот гол против Шахтјор во Лигата на шампионите, со тој бод Реал го обезбеди пласманот во осминафиналето.

Дефанзивецот на „кралевите“ имаше жесток судир со голманот на украинскиот тим и заработи сериозна расекотина на челото поради која беше облеан во крв. Повредата му била санирана со дури 20 конци.

Rüdiger putting his body on the line for that last minute goal. What a warrior.
Toni Kroos assist tho ? pic.twitter.com/j449Yg4DPv

— Chris.x (@cris_rmfc) October 11, 2022

Сепак, информациите на шпанските медиуми блиски до Реал објавија дека не станувало збор за потрес на мозок. Самиот фудбалер после натпреварот објави фотографија од авионот.

„Тоа што не те убива те прави посилен, јас сум во ред, ви благодарам на сите за пораките“, гласеше неговата порака, а нешто подоцна се огласи и со Инстаграм стори.

Кратко на таа фотографија напиша само: Живи сме.