Како што и беше најавено, пред стартот на реванш натпреварот од квалификациите за ЕХФ Европската лига против ТСВ Хановер-Бургдорф од Германија, на ракометниот клуб Алкалоид му беше доделен пехарот за освојување на ЕХФ Европскиот ку за минатата натпреварувачка сезона 2024/25.

Тимот предводен од тренерот Кирил Лазаров вечерва во салата „Автокоманда“ во Скопје пред своите верни навивачи го доби европскиот трофеј.

Потсетување, во финалето на ЕХФ Европскиот куп македонскиот претставник излезе како победник во финалето против грчкиот состав на АЕК Атина.

Пехарот го додели Божидар Ѓурковиќ, претставникот на Европската ракометна федерација (ЕХФ).

За ракометниот клуб Алкалоид, ова е трет освоен трофеј во историјата, по Суперкупот и Купот на Македонија.