Расел Кроу изгледа подобро од кога било во последните месеци, а многумина тврдат дека неговата вереница Бритни Териот е заслужна за видливата трансформација. Со нејзина поддршка, актерот ослабе и повторно зрачи со самодоверба и среќа.

Имено, Расел Кроу беше меѓу познатите гости во ВИП ложата на Вимблдон, каде беше во друштво на Бритни. Двојката привлече внимание со својот елегантен изглед, Кроу носеше темно одело, бела кошула и впечатлива вратоврска, а Бритни во женствена розова тоалета со дезен и очила за сонце.

Особено внимание беше посветено на тоа колку Кроу видливо ослабе во споредба со претходните години.

Неговата вереница има добро влијание врз него

Актерот изгледаше послаб и поздрав, а насмевката не му се симнуваше од лицето додека уживаше во натпреварот и разговорот со својата Бритни, со која „едноставно процвета“.

Како што пренесуваат медиумите, Бритни била голем поддржувач на актерот во процесот на слабеење, заедно ги промениле своите навики во исхраната, ја исфрлиле нездравата храна, а Кроу сега е фокусиран на здрава исхрана со многу протеини и зеленчук и речиси целосно го исфрлил алкохолот.

Потсетуваме, актерот постојано значително го менуваше својот изглед за филмски улоги, а за снимањето на еден филм намерно ја зголеми телесната тежина, но не се врати веднаш на својата вообичаена тежина, туку продолжи да ги зголемува килограмите.

Сепак, како што пренесуваат медиумите, а и може да се забележи, во последните месеци актерот наводно успеал да изгуби повеќе од 20 килограми.