Потребни се средства, за да се занимаваш со ова хоби, но ако имаш љубов кон животните, сликата изгледа токму како во мојот дом. Вака ја започна приказната 27 годишниот Љубиша Премчески од тетовско Долно Седларце за неговата страст одгледување на ретки и украсни птици.

Неговите миленици се сместени во дворот на неговиот дом во посебни опремени живеалишта.

Ова хоби на кое што треба да му се посвети големо внимание не е застапено многу во нашата земја.
Секоја птица вели си има свои карактеристики и со секоја посебно е поврзан.

Премчески упатува охрабрувачка порака до граѓаните да си изберат хоби за опуштање, во овие стресни времиња.

„Ова е егзотично хоби, имам повеќе украсни птици, и тоа ретки, но чувам и фазани, свилени кокошки, папагали, и слично. Паунот претставува рајска птица, спецификата е плавозелениот пердув и опашката над 2 метри, а свилената кокошка се чува и како домашен миленик има свилен пердув, тие се многу добри мајки и примаат секакви птици за да ги одгледаат, шабото на пример се карактериза со кратки нозе. Кога имаш голема љубов и малку труд има резултати. Обврските не ми дозволуваат да се посветам повеќе, сабајле во 5 станувам им се посветувам на птиците, важна е храната, секоја птица бара посебна квалитетна храна, за да бидат здрави. Можам да кажам дека е скапо ова хоби и цената за да ги купиш овие птици е поголема оти ги нема многу во нашиот крај. Живееме во стресно време и секој може да си дозволи едно хоби, но фидбекот кој ни го враќаат птиците не може со ништо да се плати, нивната убавина и топлина е незаменлива, вели 27 годишниот Љубиша Премчески од тетовско Долно Седларце.

Тој е член на Здружението за заштита и одгледување на украсни птици „Дијамантски петел“ од Тетово, од каде како што вели добива голема поддршка.

„Прекрасни живеалишта се овие тука во тетовско Долно Седларце. Љубиша е силен вљубеник има голем квалитет кај птиците и се надеваме дека на изложбите ќе постигнеме големи резултати, особено на европските. Пред коронавирусот имавме многу активности, сега ќе продолжиме понатака. Ќе организираме меѓународни изложби за да се дружиме и да размениме искуства. Мораме да се пофалиме дека сме членови на Европската асоцијација на украсни птици и сакаме да ги следиме светските трендови“, вели Ванчо Илиески, претседател на Здружението Дијамантски петел.

Здружение во соработка со Македонскиот сојуз на здруженија на одгледувачи на украсни птици и животни, најавува разни активности и изложби во периодов што следи.