Во текот на денот, на социјалните мрежи се проширија информации дека Ерик Абидал, поранешниот фудбалер на Барселона и француската репрезентација, починал. Се пишуваше дека тој наводно ја загубил битката поради компликации од неодамнешна втора трансплантација на црн дроб.

Ваквите гласини брзо беа демантирани од самиот Абидал кој се огласи преку неговиот Инстаграм профил.

„Некои гласини никогаш не треба да се појават. Тука сум, со моето семество и во добро здравје, се е во ред. Зад мене е семејството и моите деца. Нека биде јасно, добро сум, жив и здрав. Ви благодарам на пораките за поддршка и загриженоста, сега да се фокусираме на нешто што навистина е важно“, напиша Абидал во својата објава.

Инаку, на поранешниот дефанзивец во 2011 година му беше дијагностициран тумор на црниот дроб, по што следеше операција, а неколку месеци подоцна и трансплантација. Успеа да се врати на терените во април 2013 година, а фудбалската кариера ја заврши во 2014 година.

Преземено од: Спорт.ком.мк