Директорот на Бирото за јавна безбедност (БЈБ), Александар Јанев, објави на „Фејсбук“ дека полицијата запленила четири килограми кокаин од криминалната група на Раде Трајковски Штекли, која според МВР беше разбиена минатиот месец.

„Упорноста и професионализмот се клучни за успешната истражна работа. Во координација со Јавен обвинител, продолживме со активностите против криминалната група на Штекли, и при дополнителни дејствија, по само нецел месец од разбивањето на групата, повторно е пронајдена и одземена дрога од истата криминална банда. Продолжуваме со нашата посветеност во борбата со недозволена трговија со дрога. Нема непобедливи криминални структури – тоа го потврдуваме со секој нов успех и го разбиваме митот за непобедливоста на одредени поединци“, напиша Јанев објавувајќи фотографии од запленетата дрога.