Морнарицата на Ел Салвадор пресретна брод што превезувал 1.795 килограми кокаин и уапси три лица на бродот (еквадорски државјани), објави вчера претседателот на земјата Наиб Букеле, поздравувајќи ја операцијата како голем удар врз меѓународните картели за трговија со дрога, пренесува порталот Ел Салвадор.

Бродот што го превезувал кокаинот бил пресретнат во морската област околу 2.130 километри југозападно од Бокана Ел Кордончило, според Букеле, кој рече дека проценетата вредност на дрогата на црниот пазар е 44,8 милиони долари (38,2 милиони евра).

Hemos alcanzado un nuevo récord en la lucha contra el narcotráfico internacional.

Nuestra Marina Nacional interceptó, a 1,150 millas náuticas (2,130 km) de nuestras costas, una embarcación tripulada por tres narcotraficantes ecuatorianos, que transportaban 1,795 kilos de… pic.twitter.com/ny71MrKHnA

— Nayib Bukele (@nayibbukele) October 2, 2025

Ел Салвадор и другите земји од Централна Америка се на рутата што ја следат синџирите за трговија со дрога од земји како Колумбија, Перу и Еквадор, наменети за северноамериканскиот пазар.

Од почетокот на минатата година, властите на Ел Салвадор запленија 39 тони дрога, чија вредност се проценува на околу 977 милиони долари (833 милиони евра), истакна претседателот Букеле.