ФОТО| Некогаш беше симбол на холивудската убавина, денес целосно е изобличен: Новите фотографии на Мики Рурк го згрозија светот
Мики Рурк беше фотографиран неодамна, поточно, четири месеци откако беше исфрлен од реалното шоу „Celebrity Big Brother UK“ поради агресивно однесување и хомофобични коментари за учесничката ЏоЏо Сива. Актерската легенда некогаш го имаше епитетот еден од најубавите мажи во Холивуд, но бројните пластични операции му ја „одзедоа“ не само таа „титула“, туку и неговите ангажмани бидејќи, очигледно, актерот го гледаме сè поретко на малите екрани.
Препорачано
Во неговата младост, иако важел за актер со убаво лице, малкумина знаат дека Рурк всушност не се смееше бидејќи како дете изгубил неколку заби. Како што стекнувал слава и пари, ја променил својата насмевка, но и својот личен опис.
Имено, седумдесет и двегодишниот актер бил фотографиран неодамна додека излегувал од својот дом, а на фотографиите тој не личи на оној актер кој некогаш јавноста го познаваше.
Mickey Rourke was a shadow of his former self as he emerged from his Beverly Hills home in a rare public sighting. 📸: BACKGRID pic.twitter.com/1YhJfE1uAl
— Page Six (@PageSix) August 27, 2025
Денес, поради неговиот „подобрен изглед“, поранешниот холивудски лик многумина го третираат како ексцентричен, кој често е фотографиран од папараците додека го шета своето мало куче, облечен во тренерки. Иако на почетокот на неговата кариера се сметаше за вистински згоден маж, кого многумина го споредуваа со Марлон Брандо и Џејмс Дин, тоа денес не е така.
Покрај бројните козметички зафати, за изгледот на актерот се „заслужни“ и бројните удари што ги добил додека тренирал бокс, неколку пати го скршил носот и коската на едиот образ. Исто така, претрпел повреди на ребрата и прстите на нозете, па многу луѓе мислат дека и тоа влијаело на промената на неговото тело.
Самиот актер еднаш зборуваше за својот физички изглед кога, пред неколку години, призна дека лошо направените пластични операции се одговорни за тоа што денес изгледа така.
-Поголемиот дел од тоа беше за да се поправи нередот на моето лице од боксот, но отидов кај погрешна личност да го направи тоа, повторно да го состави моето лице – изјави во една прилика Рурк.
Како и да е, Мики Рурк беше и ќе остане легенда за филмовите од 90-тите за многумина.
