Најмладата ќерка на американскиот претседател Доналд Трамп го доби своето прво дете, Александар, пред нешто повеќе од еден месец, а сега ги сподели првите фотографии од својот син на социјалната мрежа Инстаграм. Обожавателите им посакаа многу среќни моменти заедно и му честитаа на семејството.

Речиси еден месец по раѓањето на нивното прво дете, Тифани Трамп ги сподели првите семејни фотографии на социјалната мрежа:

„Љубовта на нашите животи, ATB“. На фотографиите јасно се гледа лицето на малиот Александар, кој има сини очи и густа кафеава коса.

 

View this post on Instagram

 

A post shared by Tiffany Trump (@tiffanytrump)

На првата фотографија во галеријата, Тифани го држи својот син на рамо, додека тој гледа во објективот на камерата со отворена уста и широко отворени очи. На друга фотографија, Александар го држи неговиот татко.

Ќерката на претседателот, исто така, сподели фотографија од својот син, на која тој лежи во дрвена колевка слична на буре, облечен во плетен комбинезон и иста шапка. До него е играчка мече направена од истиот материјал како и неговата облека.

Александар е 11-то внуче на Доналд Трамп, кој по втор пат положи заклетва како претседател на САД во јануари. Доналд беше првиот што ја објави на јавноста дека Тифани е бремена.