Францускиот фудбалер Антоан Гризман и неговата сопруга Ерика Чоперена станаа родители по четврти пат. Среќната вест Гризман ја сподели со јавноста преку Инстаграм, објавувајќи фотографија на која се гледаат рачињата на новородената ќерка, на која парот и го дал името Шаи. Како што откри Антоан, малата Шаи е родена на 15 јуни.

Интересен е податокот дека ова е првпат нивно дете да не е родено на 8 април. Имено, останатите три деца, првата ќерка Миа (родена во 2016 година), синот Амаро (2019) и втората ќерка Алба (2021) беа родени на 8 април.

Сепак и 15 јуни носи симболика во семејството на Гризман бидејќи токму на тој датум фудбалерот стапи во брак со својата сопруга.