Македонскиот репрезентативец Дарко Чурлинов и официјално стана нов член на турскиот Кочаелиспор, откако денеска беше претставен како најново засилување на клубот од турската Суперлигата.

Чурлинов потпиша двегодишен договор, со што започнува ново поглавје во кариерата, а ова ќе биде негово деби во турскиот фудбал. Тој пристигнува од Барнли, иако минатата сезона настапуваше како позајмен фудбалер во редовите на Јагиелонија, клуб што изрази желба да го задржи, но не успеа да се договори со англискиот премиерлигаш.

За македонскиот офанзивец, Кочаелиспор ќе биде четврти клуб во сениорската категорија во странство, по настапите за Келн, Штутгарт и Шалке во германскиот фудбал.