Празникот Свето Благовештение или во народот познат како Благовец се смета за тежок празник. Според народните верувања овој ден е благ, па и раната не боли. Затоа на малите деца на денешен ден им ги дупнуваат ушите за обетки. Најчесто родителите ги носат децата кај златар за да им направи дупчиња на ушињата. Дупчењето уши е краткотрајна процедура, но не е безболно.

Како изгледаше денешниот ден по златарските улици погледнете низ камерата на Методи Здравев.

Со Благовец е поврзано и доаѓањето на птиците преселници, штркот, ластовицата, кукавицата, пупунецот, славејот и др. Се верува дека тие ќе дојдат на овој ден дури и да врне снег.