Американскиот производител на автомобили Форд повлече 115.539 возила во Соединетите Американски Држави поради фабрички дефект на воланот, објави денес Националната администрација за безбедност во сообраќајот на САД. Како што е наведено, постои ризик дефектот да предизвика одвојување на горниот дел од вратилото на управувачкиот столб, што го зголемува ризикот од губење на контролата врз возилото.

Дефектот се однесува на моделите F-250, F-350 и F-450 произведени во текот на 2020 и 2021 година, објави Ројтерс- пренесе Политика.

NHTSA соопшти дека потенцијалниот дефект може да претставува ризик за безбедноста на возачите и патниците, како и на другите учесници во сообраќајот. Сè уште не е објавено дали пријавените инциденти се поврзани со овој проблем.

„Форд“ ќе го провери засегнатото возило преку своите овластени сервисни центри и, доколку е потребно, ќе го поправи или замени засегнатиот дел без никакви трошоци за сопствениците на возилата, се додава во соопштението.