Претседателката на Европската комисија, Урсула фон дер Лајен изјави дека постои многу јасен и посветен план за деескалација на ситуацијата во Косово, а тоа е Патоказот на кој двете страни работеа на почетокот на годинава, пренесува Радио телевизија Војводина (РТВ).
Во пресрет на вториот ден од самитот на НАТО во Вилнус, Фон дер Лајен посочи дека е јасно оти и Белград и Приштина мора да го почитуваат договореното во Охрид.

„Ги повикувам двете страни да се деескалираат и да се придржуваат до патната карта. Ова е апсолутно клучно за да се продолжи напред на мирен начин“, рече Фон дер Лајен на прашањето на Танјуг како ја коментира ситуацијата на северот на Косово и дали ЕУ ќе се ангажира посилно и ќе влијае на косовскиот премиер Албин Курти да го прифати планот на ЕУ за деескалација на ситуацијата.