Екипата на Слога Виница објави дека постигнале спонзорски договор со Енес Уста, сопственикот на прволигашот Гостивар.

Слога Виница се натпреварува во Третата лига – Исток и со овој договор најавува соработка со ФК Гостивар со цел клубот колку што е можно побрзо да се врати во Втората фудбалска лига.

„Со ова се отвора ново поглавје во фудбалскиот клуб, но и во спортот во Виница. Во периодот што следува ќе бидат подготвени и потпишани сите потребни документи за што дополнително ќе бидете известени, како и за сите новости во клубот. Фудбалскиот клуб се заблагодарува на навивачите и симпатизерите за нивната поддршка и вербата во луѓето кои го водат клбуот“, стои во соопштението на клупската страница.