Финската влада денеска објави дека сака да ја зголеми старосната граница за воените резервисти на 65 години, со што ќе се додадат 125.000 војници во вооружените сили на земјата и ќе се зголеми бројот на резервисти на еден милион до 2031 година.

Воениот рок е задолжителен за мажите во Финска, која се приклучи на НАТО пред две години како одговор на инвазијата на соседна Русија на Украина, а жените можат да се пријават за воена служба на доброволна основа.

Мажите во моментов се предмет на воена служба до 60-годишна возраст, но владата испрати нацрт-предлог за зголемување на старосната граница за коментари пред да биде доставен до парламентот на дискусија и гласање од пратениците, пренесува Ројтерс.