Манчестер Сити плати 49 милиони евра за Калвин Филипс, но засега е далеку од тоа да ги оправда очекувањата и поблиску е да биде разочарување на сезоната.

По доаѓањето од Лидс се мачеше со повреди и од најавеното дека ќе биде вистински наследник на Фернандињо засега нема ништо. Сепак, доби Филипс повик од селекторот Герет Саутгејт за Мундијалот во Катар, а таму одигра само 43 минути.

Со враќањето во клубот Филипс непријатно го изненадил Гвардиола затоа што се вратил со вишок килограми. Шпанскиот стратег потврди дека ќе биде надвор од тимот додека не се врати во потребната форма.

„Не е повреден. Во клубот од Светското првенство се врати со вишок килограми. Не знам како е тоа можно, но дојде во состојба со која не може да игра натпревари на ова ниво“, изјави Гвардиола по натпреварот на Сити во Лига Купот против Ливерпул.

Засега тешко е да се очекува дека Филипс може да биде некое засилување за „граѓаните“ во вториот дел од сезоната.