Мексиканецот го оствари најголемиот успех во кариерата и притоа на својот тим му ја донесе првата победа од времето кога го носеше името на Џордан. Перез во исто време стана и првиот Мексиканец кој триумфирал на една Формула 1 трка по пауза од 50 години.

Второто место му припадна на Естебан Окон од Рено кој пак за прв пат во кариерата се најде на победничкиот подиум, а како трет заврши вториот возач на Рејсинг, Ленс Строл.

Најголем губитник на трката за Големата награда на Сакир е тимот на Мерцедес кој направи низа грешки.
Џорџ Расел кој возеше на местото на болниот од ковид-19, Луис Хамилтон, пред излегувањето на безбедносното возило по втор пат, беше лидер на трката но тогаш тимот го повика на замена на пневматиците.

Во пит стопот механичарите му ставија погрешни пневматици поради што Расел мораше уште еднаш да влезе и да ги промени по што падна на петото место. Расел потоа успеа да се пробие до второто место но тука не завршија неговите проблеми бидејќи мораше да оди на уште една замена на пневматиците и на крајот заврши како деветти.

Валтери Ботас беше задржат 25 секунди подолго во пит стопот за време на второто менување на пневматици бидејќи механичарите му го ставија гумите кои претходно ги извадија и со тоа му овозможија на Перез да дојде до првиот триумф во кариерата.