Повеќе од 13.000 млади луѓе веќе аплицирале за евтина хипотека во рамките на програмата „Моја куќа“. Сепак, само 10 отсто од нив нашле имот кој ги задоволува барањата од програмата и во исто време ги задоволува нивните станбени потреби.

Ниската стапка ги одразува условите на пазарот на недвижности. Цените значително пораснаа во последните години, а залихите на куќите, по 15 години суштински „замрзнати“ градежни активности, паднаа, анализира Катимерини. Покрај тоа, младите баратели на домови треба да се натпреваруваат со други финансиски посилни потенцијални купувачи, како што се оние кои бараат „златна виза“ или бараат имот за инвестициски цели, на пр. да го користат на пазарот за краткорочно изнајмување.

Исто така, според брокерите, некои продавачи избегнуваат да се договорат со купувачите кои се приклучуваат на програмата, плашејќи се од доцнење во завршувањето на трансакцијата поради вклученоста на државата. Сепак, силен е интересот на младите кои сакаат да поседуваат дом, што ја објаснува волјата на Владата да го зголеми буџетот на програмата во следните четири години.

Вакви имоти е тешко да се најдат во популарните области на северните и јужните предградија, освен ако се работи за згради од 60-тите и 70-тите години и заинтересираните не бараат станови со мала површина, од редот на 50-65 кв.м. Доколку, напротив, во становите што ќе се купат треба да се смести младо семејство, тричлено или четиричлено, тогаш заинтересираните треба да се обратат во други области на Атика, како што е центарот на Атина или западните предградија, каде има повеќе опции на станови од 80-100 кв.м. кои ги исполнуваат критериумите на програмата.