Европските лидери на таканаречената „коалиција на оние што се подготвени“ да ѝ помогнат на Украина ќе се сретнат денес во 10:30 часот по средноевропско време во Париз со претседателот на Украина, Володимир Зеленски, за да разговараат за помошта за Украина, а во 14 часот е планиран и разговор со американскиот претседател Доналд Трамп.

Како што објавува Фигаро, тие ќе го повикаат американскиот претседател да воведе дополнителни санкции против Русија и да придонесе за идните безбедносни гаранции за Украина, објавува Фигаро.

Според извештаите, европските лидери ќе ја потврдат својата подготвеност да обезбедат безбедносни гаранции за Украина, а во исто време ќе се надеваат на американско учество.

Францускиот претседател Емануел Макрон потврди за време на средбата со својот украински колега, Володимир Зеленски, дека Европа е повеќе посветена на ова прашање од кога било досега, додека генералниот секретар на НАТО, Марк Руте, истакна дека сојузниците на Украина чекаат американска акција, објавува Танјуг.

Пред разговорот со Трамп, лидерите на таканаречената „коалиција на оние што се подготвени“ да ѝ помогнат на Украина ќе се сретнат лично во Елисејската палата во 10:30 часот, а ќе бидат присутни Макрон, Зеленски, финскиот претседател Александар Стуб, полскиот премиер Доналд Туск, шпанскиот премиер Педро Санчез, данскиот премиер Мете Фредериксен, претседателката на ЕК Урсула фон дер Лајен и претседателот на ЕК Антонио Кошта.

Други лидери, меѓу кои британскиот премиер Кир Стармер и италијанскиот премиер Ѓорѓа Мелони, ќе се обратат преку видео врска, додава Фигаро.