Неверојатната победничка серија на Баерн Минхен продолжува и по второто коло во ЛШ во кое за разлика од првиот дуел против Атлетико Мадрид кого го демолираа со 4:0, овој пат потешко дојдоа до триумфот.

Рускиот тим во поголем дел од натпреварот му пружаше силен отпор на фаворизираниот Баерн, во средината на второто полувреме беше далеку подобар ривал и лесно можеше да се случи резултатот да биде поинаков.

Европскиот шампион поведе во 13. минута преку Леон Горецка по одличната асистенција на Бенжамин Павар. Баерн доминираше на теренот до 60. минутас кога фудбалерите на Локомотив заиграа далеку подобро и поофанзивно и одичниот шут на Игнатиев го одбрани Ноер и претставуваше најава за тоа што се случи во 70. минута.
Контранападот на Локомотив го реализира Антон Миранчук откако доби одлична топка од Зе Луиш. Само неколку минути подоцна Зе Луиш можеше да донесе целосен пресврт, потоа и Миранчук не успеа да реализира по што следеше казната.

Џошуа Кимих со одличен удар од 20-тина метри го совлада голманот Гиљерме и му донесе триумф на Баерн.
Со овој триумф Баерн Минхен ја продолжи серијата на победи, баварците по сите 11. триумфи во минатото издание на ЛШ, но новата сезона остварија два триумфи во двата натпревари.

Во натпреварот од групата Б, Шахтјор и Интер ги поделија бодовите играјќи без голови.