Според анкета објавена денес од Европската централна банка (ЕЦБ), Европејците ја намалуваат потрошувачката и сè повеќе ги избегнуваат американските стоки поради царините.

Според анкетата, 26 проценти од испитаниците веќе се префрлаат на алтернативни производи наместо на американски, додека 16 проценти ги намалуваат вкупните трошоци.
Домаќинствата со повисоки приходи имаат поголема веројатност да се свртат кон алтернативни добавувачи, додека оние со пониски приходи штедат на сè што не е потребно, објавува Ројтерс.

Банката, исто така, нагласува дека нивото на финансиска писменост влијае врз донесувањето одлуки, бидејќи подобро информираните потрошувачи избираат замени, додека помалку информираните реагираат со намалување на трошоците.

Економистите предупредуваат дека царините не само што влијаат на трговијата, туку и на инфлаторните очекувања на домаќинствата, што би можело да го ослаби економскиот раст на долг рок, според веб-страницата на ЕЦБ.

Европските потрошувачи се загрижени дека новите царини ќе доведат до повисоки цени и послаб економски раст.

Дури 40 проценти од испитаниците веруваат дека царините ќе ја стимулираат инфлацијата, додека една четвртина веруваат дека тие ќе ја забават економијата, според анкета спроведена во јуни.