Компаниите кои работат во Европската Унија ќе мора да се придржуваат до новите правила за да ги направат производите во секојдневната употреба побезбедни. Ова вклучува построги критериуми до кои производителите и властите ќе мора да се придржуваат при оценувањето на безбедноста на производот. Учесниците на онлајн пазарот ќе мора да ја зголемат следливоста и би требало да им биде полесно на потрошувачите да пријават производи кои можат да претставуваат ризик за нивното здравје и безбедност, се вели во најновиот извештај за изминатата година.

Највлијателната и најбројна асоцијација на потрошувачи во ЕУ смета дека во наредниот период властите ќе посветат посебно внимание на имплементацијата на Општата регулатива за безбедност на производите, со цел подобра заштита на потрошувачите од опасните производи. Регулативата ја модернизира директивата стара 20 години. Нејзиниот главен принцип е дека сите непрехранбени производи што се продаваат на пазарот на ЕУ на кој било начин, мора да бидат безбедни.

Агустин Рејна, генерален директор на БЕУЦ, рече дека е-трговијата е веќе значително присутна во нашите животи, при што 7 од 10 европски потрошувачи купиле стока или нарачале услуга преку Интернет во последната година, известува Политика.рс.