Европската унија одвои 137 милиони евра за зајакнување на вооружените сили на Молдавија, изјави заменик-претседателката на Европската комисија, Вера Јоурова и додаде дека со тоа Молдавија е на второ место според поддршката добиена од ЕУ по Украина.

Таа учествуваше во дебатите за зајакнување на отпорноста на Молдавија против руското мешање во поглед на претстојните претседателски избори и уставниот референдум за интеграција во ЕУ на 20 октомври.

„Како што се приближуваат изборите и референдумот, јасно гледаме како Русија ги зголемува своите хибридни напади врз стабилноста на Молдавија. Русија сака да ги поткопа нејзините напори за европска интеграција и да ја врати земјата во својата орбита на влијание“, нагласи Јурова.