Менаџерот на Манчестер Јунајтед, Оле Гунар Солскјер, го прокоментира отсуството на играчот за врска Андер Ерера од составот.

Норвежанецот најави дека Шпанецот веќе размислува за иднина надвор од англискиот гигант.

– Можеби причината за неговата повреда е загриженоста за неговата иднина. И самиот тој не знае зошто е повреден. Едвај ќе го видиме во натпреварите против Вест Хем и Барселона. Можеби Андер ќе се врати за натпреварите со Челзи и Манчестер Сити – рече Солскјер пред англиски новинар.

Според шпекулациите,  Ерера ќе го напушти „Олд Трафорд” во текот на летото и ќе замине во ПСЖ.

Тој не успеа да се договори со Јунајтед за нов договор, а сегашната плата од 80.000 фунти неделно не го задоволува.