Турскиот претседател Реџеп Таип Ердоган денес изјави дека Сириските демократски сили (SDF), курдски милитанти поддржани од САД, користат „тактики на одложување“ и покрај договорот со новата сириска влада за интегрирање на групата во сириските вооружени сили.

Во разговор со новинарите на лет од Азербејџан, Ердоган го повтори ставот на Турција дека единството и територијалниот интегритет на Сирија мора да се зачуваат, велејќи дека договорот меѓу SDF и Дамаск мора да се спроведе во рамките на договорениот и планираниот временски рок, објави Ројтерс.

„Порано рековме дека го поздравуваме договорот. Но, гледаме дека Сириските демократски сили сè уште продолжуваат со своите тактики на одложување. Тие мора да го спречат ова“, рече Ердоган.

Турција ги смета SDF за терористичка организација и претходно ги осуди повиците на групата за децентрализација во Сирија.