Француската авиокомпанија „Ер Франс“ објави дека од вторник продолжува да лета од аеродромот „Шарл де Гол“ во Париз до Тел Авив, додека германската авиокомпанија „Луфтханза“ објави дека прекинот на летовите до израелската престолнина ќе трае до средината на јуни.

„Ер Франс“ и „Луфтханза“ беа меѓу неколкуте авиокомпании што ги прекинаа летовите до Тел Авив по нападот на 4 мај, кога израелската воздушна одбрана не успеа да пресретне балистичка ракета на јеменските Хути што слета во близина на неколку стотици метри од контролната кула на главниот Терминал 3, објави „Тајмс оф Израел“.

Повеќето компании оттогаш ја продолжија суспензијата на летовите, а неодамна американската компанија „Делта“, унгарскиот „ВизЕр“ и грчкиот превозник „Егеан ерлајнс“ го обновија воздушниот сообраќај со Тел Авив.