Maкедонскиот фудбалер Сефер Емини го постигна својот трет гол во десеттиот натпревар за данскиот Сондерјиске, а со него ја најави победата од 4:3 против Хелсингор.

Емини кој е екс-фудбалер на Македонија Ѓорче Петров постигна гол по само шест минути игра и тоа за него беше трет гол сезонава, а има и три асистенции. На овој натпревар играше и вториот Македонец, младинскиот репрезентативец Иван Николов. Николов на теренот беше до 70. минута.

На спротивната страна стрелец беше и Ферхан Хасани кој ја врати надежта за Хелсингор во втората минута од вториот дел. Сепак, до крајот Сондерјиски дојде до трите бода.

За Сондерјиске ова беше шеста победа сезонава и со 21 бод се втори на второлигашката табела, зад лидерот Алборг.