Пред клиника во Калифорнија, која нуди репродуктивна поддршка за истополови парови, еден човек е убиен, а четворица се повредени.

ФБИ оцени дека е намерен терористички чин и велат дека истрагата ќе утврди дали станува збор за меѓународен или домашен тероризам.

Експлозијата се случила во центарот на Палм Спрингс. Од клиниката велат дека никој од установата не е повреден. Шефот на полицијата во Палм Спрингс изјави дека експлозијата оштетила неколку згради. Тој додаде дека идентитетот на починатиот не е познат.

Клиниката на Американските репродуктивни центри е центар за плодност и лабораторија за ин витро оплодување и нуди услуги, вклучувајќи евалуација на плодноста, донација и замрзнување на јајце клетки, репродуктивна поддршка за истополови парови и сурогат мајчинство за оваа популација.