Експертите предупредуваат дека популарните лекови за слабеење како што се Ozempic, Mounjaro и Wegovy можат да го зголемат ризикот од депресија и мисли за самоубиство, бидејќи тие предизвикуваат нарушување на нивото на допамин кои го регулираат расположението.

Во март беше објавена осумгодишна студија во која биле вклучени 160.000 дебели пациенти. Резултатите покажуваат дека луѓето кои ги земале лековите имале речиси тројно зголемен ризик од депресија и двапати поголем ризик од депресија, како и три пати поголем ризик од самоубиствено однесување, во споредба со луѓето кои не користеле лекови за слабеење стои во аналиата на Daily Mail.

Најновите анализи, предводени од 24 истражувачи од САД, Бразил, Иран и Израел, покажале дека долготрајната употреба на овие лекови може да ги наруши сигналите испратени од допаминот во мозокот, што потенцијално води до симптоми на депресија. Во труд објавен во списанието Current Neuropharmacology, научниците ја испитувале ДНК на луѓе со хиподопаминергија – состојба која се карактеризира со намалена допаминска активност во мозокот.

Допаминот, кој често се нарекува хормон на среќата, е всушност невротрансмитер кој игра клучна улога во системот на задоволство во мозокот. Користејќи компјутерски софтвер за симулација, истражувачите ја проучувале интеракцијата помеѓу GLP-1 агонистите како што е Ozempic и гените поврзани со допаминската сигнализација, вклучувајќи ги DRD3, BDNF и CREB1.

Тие откриле дека GLP-1 агонистите можат да го нарушат нивото на допамин кај луѓе со гени кои ја намалуваат допаминската активност. Истражувањето започна откако Европската агенција за лекарства побара ревизија на оваа група на лекови, по извештаите за негативни психијатриски настани.