Поранешниот главен преговарач на Косово во дијалогот со Србија, Едита Тахири, истакна дека премиерот Албин Курти успеал да го наруши стратешкиот сојуз меѓу Косово и Америка.

Таа на Фејсбук напиша дека ова е првпат Косово да има антиамерикански лидер, мислејќи на Курти.

„Америка денеска отворено казни со мерките што ги најави американскиот амбасадор Ховениер. Од 1992 година, кога склучивме сојуз со Америка, кога претседателот Буш му се закани на Милошевиќ, велејќи дека ако насилството на Косово ескалира, тој ќе се соочи со американска интервенција.

Ова е првпат Косово да има антиамерикански лидер. Нашата земја, позната како најпроамериканска земја во светот, сега ги трпи последиците! Курти денеска се заби во карпа“, напиша Тахири, пренесе Косово пресс.