Фудбалерот од средниот ред Џердан Шаќири кој по завршувањето на Европското првенство со Швајцарија се прости од националниот дрес, сега се раздели и со својот клуб.

Во иднина Шаќири нема да биде повеќе фудбалер на Чикаго Фајр од каде што си заминува по две години во кои одигра 74 натпревари, постигна 16 гола и подели 20 асистенции.

Американскиот клуб разделбата со Шаќири ја потврди преку социјалните мрежи, а се огласи и самиот Шаќири.

„Верувам дека дојде момент за нов предизвик во мојата кариера“, изјави Шаќири.

Низ кариерата Шаќири го носеше дресот на Базел, Баерн Минхен, Стоук, Ливерпул и Лион од каде што во 2022 дојде во САД.