Изјавите на Даниел Лорер од Продолжуваме со промените дека Христијан Пендиков не бугарски граѓанин државата нема потреба да вложува толкави ресурси за човек што не е Бугарин го налутија европратеникот Ангел Џамбаски па возврати со навреди и за Лорер и за целата партија.

– Изјавата на Лорер за Пендиков е ксенофобична и антибугарска. Тоа е класичен пример за менталитетот на „бандата“ која себеси се нарекува „Продолжуваме со промената“. Тие влетаа во бугарската политика за дебело да ги наполнат џебовите, правејќи измами со посредувањето за купување руски гас и слични милионски измами. Тие јасно го покажуваат нивниот однос кон Бугарија и бугарската нација. Тие луѓе и слични на нив секогаш го мразеле и презирале бугарскиот народ. Не знам каква е неговата семејна историја, но ќе го потсетам дека во трагичните години на Втората светска војна бугарската држава , ВМРО, БПЦ и бугарски народни претставници ги спасија сите бугарски Евреи од испраќање во логорите на смртта. Ги спасивме иако беа бугарски граѓански со еврејска самоопределба. Сега гледаме човек со името Лорер кој вели „ние не треба да се грижиме за некаков си таму македонски граѓанин зашто имал бугарска самосвест“, вели Џамбаски.

Тој, како што објави софиски „Труд“, уште обвинува дека, како што ја нарекува, „антибугарската хистерија“ во Северна Македонија се должи на политиката на Западот кон Балканот.

– Ова се случува под диктат на неколку амбасади, а најмногу американската зашто решиле дека треба РСМ веднаш да ја пикнат во ЕУ за да го запрат руското влијание. Затоа не ги интересира дали некој тепа Бугари или пали клубови, додава Џамбаски.

За него партијата на Лорер е „дружина детелинка“ чија цел е да продолжат да го продаваат бугарскиот интерес.

Лорер, пратеник во Народното собрание и поранешн министер за иновации во Владата на Кирил петков пред неколку дена за НоваТВ рече дека Бугарија треба да ги заштитува пред се своите граѓани, а Пендиков не е бугарски граѓанин.

– Господинот кој што беше нападнат во Северна Македонија не е бугарски граѓанин. Тој се определува како човек со бугарска самосвест. Бугарија треба да ги заштитува пред се своите граѓани, рече Лорер и појасни дека прашањето се исполитизирало.