Две лица се уапсени во врска со нападот со експлозивни направи во понеделникот врз рускиот конзулат во Марсеј, соопшти градскиот обвинител, цитиран од Ројтерс.

Обвинителството во соопштението не даде повеќе детали за идентитетот на уапсените, освен дека се работи за „двајца полнолетни“.

Според информациите на телевизијата РМС, во пристаништето во Марсеј, „двајца мажи на возраст од 48 и 59 години биле приведени откако одржале проукраински демонстрации во градот“.

-Еден од нив е осомничен за фрлање експлозивни направи кон рускиот конзулат- објави телевизијата, цитирана од ТАСС.

Според телевизискиот канал, двајцата уапсени „и се добро познати на полицијата“.

Претходно, генералниот конзулат на Русија во Марсеј ја информираше ТАСС дека во понеделникот наутро непознати лица фрлиле три предмети на територијата на дипломатската мисија, од кои два експлодирале.

Во инцидентот нема повредени и нема материјална штета.