Две девојчиња, на возраст од 13 и 14 години, вчера во одвоени случаи излегле од своите домови во Велес и Велешко и не се вратиле, соопшти полицијата.

Вчера околу 8 часот, таткото на 13-годишно девојче со привремен престој во селото Стари Град во општината Чашка, пријавил дека од домот се оддалечила неговата ќерка А.Ј. Тој се сомнева дека е со лицето А.К. од прилепското село Гостиражни.

Попладнето, во 17:30 часот, пак, А.Е.(46) од Велес пријавила дека исчезнала нејзината ќерка М.Е.(14). Мајката се сомнева дека девојчето е со лице со иницијали С.У., велат од полицијата додавајќи дека преземаат мерки за пронаоѓање на двете девојчиња.