Најмалку дванаесет луѓе се повредени во денешниот напад со нож на перонот 13 од Централната железничка станица во Хамбург, пренесува „Билд“.

Според нив, нападот се случил во 18.05 часот и има најмалку дванаесет повредени, а федералната полиција уапсила една жена.

Нападот се случил на перонот 13/14. Првично беше кажано дека има осум повредени, а потоа полицијата разјасни дека три жртви се во критична состојба, уште три се тешко повредени, а шест лица се полесно повредени.

Според информациите од германскиот весник, некои од повредените биле згрижени во возовите. Мотивите и позадината на злосторството засега се сè уште нејасни.