Од Демократската унија за интеграција (ДУИ) тврдат дека нивниот лидер, Али Ахмети, не упатил никакви закани со изјавата дека сите Албанци ќе бидат на нозе, а плоштадите полни, доколку се загрози употребата на албанскиот јазик.

Албанскиот јазик е главна придобивка што ДУИ сака да ја заштити, тврди партијата, повторувајќи го ставот дека нема да дозволи „некој да ги наруши придобивките од Охридскиот рамковен договор“. ДУИ не открива кои конкретни механизми ќе ги употреби за заштита на овие придобивки, туку дека ќе ги искористат „сите правни и институционални средства“ кои им се на располагање.

По изјавата на Ахмети, премиерот Христијан Мицкоски оцени дека лидерот на ДУИ е „фактор на дестабилизација“ и додаде дека не се плаши од заканите на Ахмети. Од друга страна, лидерот на СДСМ, Венко Филипче, ги оцени изјавите како „дел од вообичаениот политички фолклор“, не гледајќи во нив потенцијал за дестабилизација на земјата.

Ахмети во Швајцарија по инструкции од поранешни соборци од ОВК