Португалецот поминува низ тежок период во редовите на „Старата дама“, информираат денеска италијанските медиуми.

Според италијанската „Гаѕета дело Спорт“, Кристијано Роналдо е во своевидна депресија и многу го сменил однесувањето во последните неколку недели.

– Повеќе не гледате трага како ужива во сè. Нервозен, иритирачки, далечен од неговите колеги. Тој беше незаинтересиран за Фиорентина, што е загрижувачки знак. Роналдо повеќе не крие само гестови – пишува весникот.

Во текстот понатаму се додава дека Роналдо е целосно надвор од приказната за Јувентус дури и надвор од теренот.

– Тој се оддалечи од Јувентус. Можеби беше малку така некое време, но тој тренд се интензивираше во последните недели, особено по елиминацијата од Лигата на шампионите – додава весникот.

„Гаѕета“ открива и еден од деталите по победата над Џенова од 3:1 кога Роналдо не постигна гол.

Тој влегол во соблекувалната каде што луто удрил во ѕидот, а откако се истуширал, не зборувал со никого.

На последните три натпревари тој не успеа да се запише во листата на стрелците, што е негов најдолг пост во Серија А откако се врати на теренот по повредата во првата сезона. Последен пат тој постигна гол на 7 април против Наполи. Не помага ни тоа што резултатите на тимот се во пад и дека „Старата дама“ во моментов е четврта во Серија А. Неизвесно е што ќе се случи со него следно, тој е под договор до летото 2022 година и се спомнува опцијата за враќање во Манчестер јунајтед во замена за Пол Погба.

Тој наводно го информирал неговиот агент да бара нов клуб за него.

– Вратата на Реал никогаш не му беше отворена откако тој замина. Затоа Јунајтед е приоритетна опција. Едно е сигурно, доколку Јувентус не обезбеди место Лигата на шампионите, Роналдо ќе си замине – стои во коментарот на „Гаѕета”.