Возачот на Дукати, Андреа Довициозо по третпат во последните четири години триумфираше на Големата награда на Австрија, четврта трка оваа сезона во Мото ГО шампионатот. Оваа трка воедно го одбележа и тешкиот инцидент во осмиот круг помеѓу Жоан Зарко и Франко Морбидели.

Довициозо, кој пред еден ден најави дека на крајот од сезоната ќе го напушти „Дукати“, денеска на „Ред Бул ринг“ дојде до првата победа оваа сезона, а 15 во кралската класа.

На тој начин ја продолжи доминацијата на италијанскиот тим во Шпилберг од враќањето на патеката во календарот, откако Дукати забележа пет триумфи во последните пет изданија на ГН Австрија. Воедно и на својот тим му го донесе 50 триумф во најсилната категорија.

How do you find the words to sum up such a crazy afternoon!!! ?

Tune into #AfterTheFlag for all the post-race analysis, and there's lots to discuss!!! ?#50DucatiWins | #AustrianGP ??https://t.co/deoyqHejUq pic.twitter.com/yCaP1Y6trt

— MotoGP™? (@MotoGP) August 16, 2020

Второто место го освои Жоан Мир на „Сузуки“, а третопласиран е возачот на „Прамак Дукати“, Џек Милер.

Покрај победата на Довициозо, трката го одбележа и „хорор“ ударот во осмиот круг, во кој Зарко тогаш направи целосно неочекуван потег при голема брзина, Морбидели удри право во него и двајцата завршија надвор од патеката.

Последните информации велат дека и двајцата поминаа без потешки повреди, а нивните мотори кои претрпеа штета летаа со голема брзина, а практично за милиметри ги избегнаа возачите на „Јамаха“, Валентино Роси и Маверик Вињалес.

Фабио Квартараро („Јамаха“) кој беше осмопласиран на трката, и натаму е лидер во генералниот пласман со 67 бодови, 11 повеќе од Довициозо, а 18 од Вињалес.

Мото ГП шампионатот ќе продолжи наредниот викенд со Големата награда на Штаерска која исто така ќе биде одржана на „Ред Бул ринг“.