Нискиот одѕив на парламентарните избори во Бугарија беше најголемото изненадување за сите, коментираше Јаница Петкова од Галуп за Бугарското национално радио. Како што јави дописникот на МИА од Софија, ова е најмала излезност на парламентарните избори досега во Бугарија.

Петкова е категорична дека таква состојба не постоела во земјата. Меѓу факторите што влијаеја на ова беа летната сезона поврзана со можноста за гласање. Клучно за неа е прилично разочарувањето од страна на бугарските граѓани.

Разликата помеѓу ГЕРБ и Има таков народ, е исклучително мала и сега резултатите се чекаат во странство. Се очекува тие да и помогнат на партијата на Слави Трифонов.Според неа, одѕивот на бугарските гласачи во странство бил помал отколку на 4 април. Минатиот пат гласаа 180.000 бугарски граѓани од странство, за разлика од сега, и покрај повеќето избирачки места.

Последен пат ГЕРБ имаше 800.000 гласови на 4 април со резултат од 26 отсто, сега на 11 јули ќе има некаде околу 580 000. Има таков народ има околу 570.000 гласови.

Според Петкова, БСП исто така има пад од околу 100.000 гласови.