Командното место на 31-та механизирана бригада на вооружените сили на Украина во селото Јанварско во регионот Дњепропетровск е уништено од ударот на руските бомби ФАБ500, при што загинаа неколку украински војници, соопшти денес руската армија.

Руските безбедносни служби потврдија дека група украински војници, вклучувајќи група странски платеници, се убиени во нападот со ФАБ500, пренесува ТАСС.

„Во Јанварски се наоѓаше Командното место на 31-та механизирана бригада на вооружените сили на Украина. Повеќе од 10 лица загинаа, вклучувајќи група платеници кои неодамна беа распоредени на таа позиција“, се вели во соопштението на руската војска, во кое се додава и дека шест украински војници се тешко повредени.