Американскиот претседател Доналд Трамп се очекува да пристигне во Велика Британија на својата втора државна посета, во време кога британскиот премиер Кир Стармер се соочува со растечко незадоволство во сопствената партија и се подготвува за клучен говор на партиската конференција.

Целта на британската влада е да го импресионира Трамп со голема изложба на кралски и воени церемонии, истовремено избегнувајќи чувствителни теми како миграција и слобода на говорот. По пристигнувањето во Виндзор, Трамп и првата дама Меланија ќе бидат сместени во замокот, каде што беше најавено дека ќе има протести од локалното население.

Кралски церемонии и демонстрација на моќ

Следниот ден, според најавите претседателот Трамп треба да биде пречекан со кралска церемонија, вклучувајќи обиколка на кралската колекција и положување венци на гробот на кралицата Елизабета II.

Претседателот и премиерот Стармер ќе остварат средба за време на церемонијата „победа на повлекувањето“, а присуство ќе земат и воени оркестри, почесна гарда но и прелет на авиони „Црвени стрели“ и „Ф-35“. Вечерта според пишувањата треба да кулминира со гала бел банкет, каде што и Трамп и кралот Чарлс ќе одржат говори, пишува Нова.рс.

Билатерални разговори и максимална безбедност

Во четврток, Трамп се очекува да пристигне во резиденцијата на премиерот Стармер за билатерална средба и обиколка на архивите на Винстон Черчил. Главни теми според најавите ќе бидат инвестиции, трговија, технолошки договори, нуклеарни мини-реактори и вештачка интелигенција. Безбедноста околу Виндзор овие денови е на највисоко ниво – со коњанички патроли, беспилотни летала, вооружени снајперисти и затворен воздушен простор.

Илјадници полицајци и агенти на американската тајна служба го обезбедуваат „челичен прстен“ за заштита на претседателот на САД како и членовите на делегацијата и јавноста.