Добитникот на џекпотот од 167 милиони долари, 50-годишниот Џејмс Фартинг од Кентаки е осуден криминалец и наскоро би можел повторно да заврши зад решетки, пишува Н1 телвизија.

Фартинг беше уапсен само неколку дена откако освои десетици милиони долари. Според американските медиуми, тој е професионален криминалец кој „поминал 30 години зад решетки во 25 различни поправни установи“.Сега, Фартинг се соочува со враќање во затвор.

Новопечениот милионер е осуден во девет окрузи во Кентаки за низа кривични дела. Тие вклучуваат наводно давење на неговата девојка, поткупување на полицајци додека бил во затвор и нудење кокаин на друг полицаец на тајна задача.

Иако неговата криминална историја започнала со помали прекршоци како кражби, таа наскоро се претворила во кривични дела како што е трговија со дрога. Тој дури и ја убедил својата мајка да шверцува марихуана во затвор.

Првиот пат кога добил условна слобода, наскоро повторно завршил зад решетки откако бил позитивен на тест за дрога.

Три дена откако ги уновчил своите добивки, Фартинг бил уапсен за удирање на гостин во хотел. Тој, исто така, ја прекршил условната казна со тоа што не го известил полицаецот дека го напушта Кентаки за да замине во друга држава, Флорида. Минатата недела бил ослободен од затвор во Кентаки, но се соочува со обвиненија за напад.

Фартинг искористил 10.000 долари од своите добивки за кауција и се изјаснил за невин по обвинението за напад. Неговиот судски датум е закажан за 14 јули.