Забрана за пристап до социјалните медиуми за малолетници под 15 години, како и блокирање на малолетници под 18 години од пребарување на платформи за обложување преку интернет и продажба на тутунски производи, е предвидено во планот што грчката влада неодамна го подготвува.

Грчките медиуми објавија дека Грција ќе биде подготвена до крајот на октомври да стане првата европска земја што ќе воведе ограничувања за користење на социјалните мрежи од страна на малолетници со цел да ги заштити.

Претходно, Австралија донесе одлука да им забрани пристап до социјалните мрежи на малолетници под 16 години (од 10 октомври) и платформи за онлајн запознавање, со цел да ги заштити од логаритамска манипулација и сексуално вознемирување.

И сега ЕУ подготвува нешто слично.

Откако претседателката на Комисијата, Урсула фон дер Лајен, изјави дека „Франција, Шпанија, Грција, Данска и Италија го тестираат планот на Комисијата за спроведување проверка на возраста во нивните национални апликации“, грчкиот премиер Киријакос Мицотакис го потврди учеството на земјата во програмата.

Тој, меѓу другото, изјави дека „размислуваме за забрана на користењето на социјалните медиуми од 16-годишна возраст и помлади, како што се прави во Австралија“.