Сопствениците на плантажи со бобинки во Србија, чија берба започна во некои региони, се борат да најдат работна сила. На социјалните мрежи има десетици огласи наменети за берачи на малини, боровинки, цреши- пишува Информер.

– Сместување и храна се обезбедени, а можете да заработите до 5.000 дневно – стои во огласите. Повеќе или помалку, и другите одгледувачи на овошје кои бараат сезонски работници плаќаат толку.

Во Липолист во близина на Шабац за бербата на малини од 20 до 25 јуни со работно време од 6 до 19 часот, со три подолги паузи, сместување, храна и плата се заработува исто. Сопствениците на плантажи велат дека од сезона во сезона, станува сè потешко да се најдат луѓе кои се подготвени да работат на сонце повеќе часови. Младите се помалку заинтересирани, а постарите луѓе немаат енергија. Способните мажи имаат тенденција да одат на сезонска работа во градежништвото, па затоа поголемиот дел од сезонските берачи се жени.