Во државава нема систем каде што се евидентираат сите приматели на социјална помош. Затоа, едно лице може да прима и повеќе видови на помош, алармира министерката за финансии Гордана Димитриеска- Кочоска.

– Кога прашав во Миистерството за социјална политика дали имаат евиденција и дали знаат колку пари прима едно лице, таму ми кажаа дека немаат евиденција и дека едно лице по разни основи може да примаи до 60.0000 денари. Па каде го има тоа! -револтирано рече министерката Димитриеска – Кочоска на денешната дебата „Фискална дисциплина и ефикасност на фискалните правила во Северна Македонија: Патот кон одржливост“.

Таа посочи дека за изготвување на единствен регистар на корисници на социјални надоместоци, пари од Светска банка има уште од 2019 година. Но, системот не направен.

– Сега работиме на тој систем, но за жал софтверот не може да се направи преку ноч – посочи министерката.