Паоло Дибала минатото лето го напушти Јувентус откако му истече договорот и се пресели во Рома.

Јувентус му понуди да остане и да ја продолжи соработката, но до договор помеѓу двете страни не дојде. Од друга страна Јувентус во текот на оваа сезона беше погоден од финансиски скандал во кој фудбалерите добивале пари „под маса“ со цел тие пари да не влезат во завршниот годишен извештај.

Од таквиот договор кој Дибала го имал со Јувентус тврди дека клубот му должи 3.7 милиони евра за плати во 2021 година. Сега Аргентинецот сака да си ги добие пари и испрати порака дека ако во наредниот месец не ги добие, ќе испрати тужба.

„Јувентус ми должи над три милиони евра за плати во 2021 година. Рокот за исплата на платите е до април, ако тоа не се случи моите адвокати ќе мора да поднесат тужба, иако би сакал да избегнам такво сценарио“, изјави Дибала.

Во Јувентус, Дибала помина седум години откако пристигна од Палермо во 2015 година за 40 милиони евра. Со Рома потпиша договор до 2025 година, меѓутоа во медиумите се пишуваше дека во договорот има клазула според која може за само 12 милиони евра да си замине ова лето.

#Dybala vuole i 3,7 milioni di euro che la #Juventus non gli ha versato nei mesi del #Covid e il suo legale ha chiesto un risarcimento per il mancato rinnovo (#gds) pic.twitter.com/bJCDWZ6cXc

— Giovanni Capuano (@capuanogio) March 3, 2023