Поранешниот напаѓач на Јувентус, Паоло Дибала кој сега го носи дресот на Рома спрема тужба против поранешниот клуб тешка 50 милиони евра, пишуваат италијанските медиуми.

Пред крајот на минатата сезона Дибала постигна вербален договор со клубот да го продолжи договорот на пет години, но управата на „старата дама“ го смени мислењето и не го обнови договорот со напаѓачот.

Поради тоа Дибала има намера судски да си бара 50 милиони евра, станува збор за разликата помеѓу петгодишниот договор кој му го вети на Јувентус и тригодишниот договор со Рома каде што сега игра.

Сезонава Аргентинецот во дресот на римската „волчица“ запиша 29 настапи во сите натпреварувања, постигна 13 голови и подели осум асистенции.